FreeStyle

Հայաստանում որոշ ուժեր չափազանցնում են սպասելիքները, այսպես կոչված, Մոսկվայի անվտանգության երաշխիքների հետ կապված. վերլուծաբան

Գրավյալ Ղրիմի «պատվիրակությունը» հերթական անգամ այցելեց Հայաստան՝ մեկնաբանելով այս արշավները ուկրաինահայ վերլուծաբան Մարատ Հակոբյանը 1in.am-ին տված հարցազրույցում շեշտեց, որ պաշտոնական Կիեւը շրջանցող ժամանակավորապես գրավված տարածքների ներկայացուցիչների հետ շփումները միջազգային իրավունքի կոպիտ խախտում են:

«Ղրիմի Ինքնավար Հանրապետության և Սևաստոպոլ քաղաքի ժամանակավորապես գրավված տարածքը հանդիսանում է Ուկրաինայի միջազգայնորեն ճանաչված տարածք: Այս տարածքների ներկայացուցիչների հետ պաշտոնական Կիևը շրջանցող ցանկացած շփում միջազգային իրավունքի կոպիտ խախտում է՝ դրանից բխող հետևանքներով- բացատրեց փորձագետը:

Պատասխանելով Մոսկվայի անվտանգության երաշխիքների վերաբերյալ հարցին` փորձագետը նշեց, որ Հայաստանում որոշ ուժեր չափազանցնում են սպասելիքները, այսպես կոչված, Մոսկվայի անվտանգության երաշխիքների հետ կապված: «Այդ «անվտանգության» հստակ ցուցադրումը, մենք տեսանք, երկրորդ ղարաբաղյան պատերազմի օրերին: Եթե ​​չեմ սխալվում, Հայաստանը Ռուսաստանի Դաշնության հետ ունի հակաօդային պաշտպանության համատեղ ուժեր, և իրականում մենք տեսանք այդ ստորաբաժանումների «հնարավորությունները»։ ԶԼՄ-ների հաղորդմամբ ՝ Ադրբեջանի անօդաչուները բազմիցս տեղակայված էին Հայաստանի մայրաքաղաքից մի քանի կիլոմետր հեռավորության վրա, էլ չեմ խոսում սահմանամերձ տարածքների մասին: Մենք ապրում ենք աշխարհաքաղաքական նոր վերափոխումների շրջանում, մասնավորապես տարածաշրջանում տեղի են ունենում արագ իրադարձություններ, ձևավորվում է նոր իրողություն: Երևանը հնարավորինս սեղմ ժամկետում պետք է որոշի արտաքին քաղաքականության գերակայությունները։ Իսկ դա միջազգային անվտանգության կանոնների ճիշտ կողմնորոշումն ու պահպանումն է, որը և կարող է դառնալ Հայաստանի անվտանգության երաշխավորը»:

Անդրադառնալով Հայաստանի եւ Ուկրաինայի միջեւ հարաբերությունների թեմային՝ նա նշեց, որ վերջերս մենք նկատում էինք զգուշավոր դրական տեղաշարժեր այս ոլորտում: «Շատ ժամանակ է կորսվել, անհրաժեշտ են ավելի հստակ, համարձակ քայլեր: Մեր երկրները կապվում են բազմադարյա ընդհանուր պատմությամբ, շատ եզակի դրական իրադարձությունների հետ: Վճռական քաղաքական կամքը պետք է ավելացվի սփյուռքի, դիվանագետների և խորհրդարանականների ջանքերին: Այս տարի Ուկրաինան նշելու է իր Անկախության օրվա 30-ամյակը, սպասվում է աշխարհի խոշորագույն տերությունների ղեկավարների ժամանումը, հրավիրվում է Հայաստանի քաղաքական ղեկավարությունը, և հայկական պատվիրակության ներկայացվածության մակարդակից է, որ մենք կարող ենք եզրակացություններ անել երկու երկրների հարաբերությունների զարգացման վեկտորի վերաբերյալ: Ձեր հրապարակմանը վերջերս տրված իմ հարցազրույցում ես մատնանշեցի, որ քաղաքակիրթ աշխարհը կանգնած էր Ուկրաինայի կողքին `ինքնիշխանության և տարածքային ամբողջականության համար մղվող պայքարում, հուսով եմ, որ այս երկրների ցանկում կտեսնեմ իմ հայրենի Հայաստանը ևս», — եզրափակեց Հակոբյանը: