logo
Главная » 2018 » Октябрь » 3 » Կիեւում շարունակվում են Շառլ Ազնավուրի հիշատակին նվիրված միջոցառումները
00:38
Կիեւում շարունակվում են Շառլ Ազնավուրի հիշատակին նվիրված միջոցառումները

Երկուշաբթի օրը Կիեւում սկսված աշխարհահռչակ շանսոնյե Շառլ Ազնավուրի հիշատակին նվիրված միջոցառումները շարունակվել են երեքշաբթի օրը:

AnalitikaUA.net- ի տեղեկացմամբ` հոկտեմբերի 2-ին, Ուկրաինայում Ֆրանսիայի դեսպանատան առջեւ, ծաղիկներ են դրվել և մոմավառություն անցկացրել Շառլ Ազնավուրի հիշատակին: Հանրահավաքին մասնակցել են Ֆրանսիայի դեսպանատան, մայրաքաղաքի հայ համայնքի եւ հոգեւորականության ներկայացուցիչներ:

Հավաքվածներին միացել է Ուկրաինայում Ֆրանսիայի դեսպան Իսաբել Դումոնթը (Isabelle Dumont), ով շնորհակալություն է հայտնել մասնակիցներին եւ նշել, որ Շառլ Ազնավուրի մահը մեծ կորուստ է ինչպես Հայաստանի, այնպես էլ Ֆրանսիայի համար:

Հոկտեմբերի 1-ին Ուկրաինայում Հայաստանի Հանրապետության դեսպանատան մոտ, Կիևի բնակիչները և հայ համայնքի ներկայացուցիչները Շառլ Ազնավուրի հիշատակին ծաղիկներ էին դրել և մոմավառություն անցկացրել: Իսկ Ուկրաինայի հայերի միության նախագահ Վիլեն Շատվորյանը ծաղիկներ դրեց Երեւանի Շառլ Ազնավուրի անվան հրապարակում:

Հոկտեմբերի 3-ին Ուկրաինայում Հայաստանի դեսպանատանը բացվեց ցավակցությունների գիրքը:

Категория: Новости | Просмотров: 137 |